لاہور: (ویب ڈیسک) لاہور قلندرز نے فرینڈز آف قلندرز یونیورسٹی فین کلب متعارف کرا دیا جس کا مقصد نوجوانوں کو کھیل کے ذریعے جوڑنا اور یونیورسٹی سطح پر ان کی صلاحیتوں کو فروغ دینا ہے۔
لاہور قلندرز اور نجی یونیورسٹی نے مفاہمت کی یادداشت پر دستخط کیے، فین کلب کی نگرانی سٹوڈنٹس کی ایگزیکٹیو کمیٹی کرے گی، مختلف تعلیمی اداروں میں فرینڈز آف قلندرز فین کلب کا آغاز کیا جائے گا۔
سی ای او لاہور قلندرز عاطف رانا کا کہنا تھا کہ لاہور قلندرز کا ہمیشہ سے صرف کرکٹ سے بڑھ کر ایک مشن رہا ہے، نوجوانوں کی صلاحیتوں کو پروان چڑھانا چاہتے ہیں، مستقبل کے لیڈرز کو ایک پلیٹ فارم فراہم کرنے پر یقین رکھتے ہیں۔
اس موقع پر کرکٹر فخر زمان نے طالب علموں کے سوالوں کے جوابات دیتے ہوئے کہا ہے کہ بین الاقوامی کرکٹ میں سٹریس بہت ہوتا ہے، کھلاڑیوں کو انجری ہوتی رہتی ہے، بابر اعظم ایک بڑا کھلاڑی ہے، بابر اعظم سے پوچھ کر ہی ریسٹ دینے کے لیے اسے ڈراپ کیا، پی ایس ایل کے لیے ٹریننگ کر رہا ہوں۔
