لاہور: (دنیا نیوز) آئی سی سی ٹی 20 ورلڈ کپ کے لیے پاکستان کرکٹ ٹیم کے اسکواڈ کو حتمی شکل دینے کے لیے سلیکٹرز اور ٹیم منیجمنٹ سوچ و بچار کر رہی ہے۔
ذرائع کے مطابق انگلینڈ میں موجود سکواڈ کو 18 سے 15 کرنے کے لیے غیر یقینی صورتحال کا سامنا ہے۔
پاکستان کرکٹ بورڈ ورلڈ کپ کے لیے 15 رکنی سکواڈ کا اعلان انگلینڈ کے خلاف پہلے میچ کے بعد کرے گا، ورلڈ کپ سکواڈ کے لیے اعلان کی آئی سی سی کی ڈیڈ لائن 24 مئی ہے۔
یاد رہے کہ حارث روف، عثمان خان اور سلمان علی آغا کو آئرلینڈ میں موقع نہیں ملا، حارث رؤف کے بیک اپ کے لیے حسن علی کو سکواڈ میں شامل کیا گیا تھا جنہیں آئرلینڈ کے خلاف سیریز میں موقع دیا گیا۔
ذرائع کا کہنا ہے کہ آنے والے دنوں میں حارث رؤف کو 100 فیصد فٹنس ثابت کرنا ہوگی جبکہ ٹریولنگ ریزوز کی صورت میں عثمان خان، سلمان آغا اور حسن علی کی شمولیت کا امکان ہے۔
واضح رہے کہ آئی سی سی ٹی 20 ورلڈ کپ کا آغاز جون سے آسٹریلیا اور ویسٹ انڈیز میں ہوگا جس میں 20 ٹیمیں شرکت کریں گی۔
