کراچی: (دنیا نیوز) قومی کرکٹ ٹیم کے ہیڈ کوچ ثقلین مشتاق نے کہا ہے کہ میں اور بیٹنگ کوچ بلے بازوں کو سپورٹ کررہے ہیں، اگر200 تک ان کو روک لیا تو ہمارا میچ میں اچھا موقع ہے۔
میڈیا سے گفتگو کرتے ہوئے ثقلین مشتاق نے کہا کہ ہم اس اننگ میں مزید بہتر کرسکتے تھے، بابر کا آٶٹ ہونا پاکستان کیلئے اچھا نہیں تھا، بابر وکٹ پر رہتے تو 400 رنز کرسکتے تھے، یہ ٹوٹل برا نہیں ہے۔
ہیڈ کوچ کا کہنا تھا کہ انگلینڈ اپنے طریقے سے ہی کھیلے گا، ہمیں اچھی بولنگ کرنی ہے، یہ پچ وقت کے ساتھ مزید سلو ہوگی، مارک ووڈ شاٹ بال سے آؤٹ کرنے کی کوشش کر رہے ہیں۔
انہوں نے کہا کہ بلے باز مثبت سوچ کے ساتھ کھیل رہے ہیں، اگر مثبت سوچ کے ساتھ وکٹیں جارہی ہیں تو مجھے مسٸلہ نہیں، رضوان جس گیند پر آؤٹ ہوٸے اس پر چھکا بھی لگ سکتا تھا۔
Pakistan head coach Saqlain Mushtaq s press conference underway following the close of play on Day One.#PAKvENG | #UKSePK https://t.co/wyNtjTdOYJ
— Pakistan Cricket (@TheRealPCB) December 17, 2022
