ملتان: (ویب ڈیسک) پاکستان اور انگلینڈ کے درمیان دوسرے ٹیسٹ میچ میں انگلش کپتان بین سٹوکس نے ٹاس جیت کر پہلے بیٹنگ کا فیصلہ کیا ہے۔
تفصیلات کے مطابق ملتان کرکٹ سٹیڈیم میں 16 سال بعد ٹیسٹ کرکٹ کا آغاز ہوگیا جہاں پاکستان اور انگلینڈ کی ٹیمیں ٹیسٹ سیریز کے دوسرے ٹیسٹ کیلئے مد مقابل ہیں۔
میچ میں انگلینڈ کی ٹیم نے ٹاس جیت کر پاکستان کے خلاف پہلے بیٹنگ کا فیصلہ کیا ہے۔
Three changes for Azhar Ali, Naseem Shah, Haris Rauf out; Faheem Ashraf, Mohammad Nawaz and Abrar Ahmed (debut) in
— ESPNcricinfo (@ESPNcricinfo) December 9, 2022
One change for Livingstone out, Wood in https://t.co/iNOrLqcC6e | #PAKvENG pic.twitter.com/w1Dmn1pSZS
قومی ٹیم کے کپتان بابر اعظم نے ٹاس کے موقع پر گفتگو کرتے ہوئے کہا کہ ٹیم میں فہیم اشرف اور ابرار احمد کی واپسی ہوئی ہے اور اگر ہم ٹاس جیت جاتے تو ہم بھی بیٹنگ ہی کرتے۔
انگلینڈ کے خلاف قومی ٹیم کے پلیئنگ الیون میں اظہر علی کو ڈراپ کر دیا گیا ہے، قومی ٹیم کے فاسٹ باؤلر حارث رؤف کے بعد نسیم شاہ کندھے کی انجری کاشکار ہو گئے ہیں جبکہ فاسٹ باؤلر نسیم شاہ بھی فٹنس مسائل سے دوچار ہیں۔
انگلینڈ کے خلاف دوسرے ٹیسٹ میں لیگ سپنر ابرار احمد کا ڈیبیو ہوا ہے۔
دوسری جانب انگلینڈ کی ٹیم میں بین فوکس کی جگہ اولی پوپ ہی وکٹ کیپنگ کریں گے، مارک ووڈ کو پلیئنگ الیون میں لیام لیونگ سٹون کی جگہ شامل کرلیا گیا ہے جبکہ ول جیکس بھی انگلش ٹیم پلیئنگ ٹیم کا حصہ ہیں۔
