لاہور:(ویب ڈیسک) سہ ملکی سیریز کے لئے نیوزی لینڈ میں موجود قومی ٹیم کے نائب کپتان شاداب خان نے اپنی سالگرہ کے موقع پر سوشل میڈیا پر تنقید کرنے والے صارف کو منہ توڑ جواب دے دیا۔
ہوا کچھ یوں کہ شاداب خان کی آج 24 ویں سالگرہ تھی اور ان کو قومی ٹیم کے کھلاڑیوں اور مداحوں کی جانب سے نیک خواہشات کے پیغام دیے جارہے تھے کہ اسی دوران ایک ٹوئٹر صارف نے نائب کپتان اور دیگر کھلاڑیوں کو تنقید کا نشانہ بنانا شروع کردیا۔
راشد خان نامی ٹوئٹر صارف نے تنقید کرتے ہوئے لکھا کہ یہ شیڈی شوڈی کے چکر چھوڑو اور برائے مہربانی ورلڈ کپ پر توجہ دو۔
صارف کے ٹوئٹ پر شاداب خان نے ناراضگی کا اظہار کرتے ہوئے منہ توڑ جواب دیتے ہوئے لکھا کہ ابھی نیوزی لینڈ میں آدھی رات ہے فزیو نے بولا ہے کہ آرام کرو اور ٹائم آف لو، آپ کہتے ہیں تو الٹا لٹک کر ٹریننگ شروع کردیں؟۔
شاداب خان نے سالگرہ کی مبارکباد دینے والے قومی ٹیم کے کھلاڑیوں و دیگر شکریہ ادا کرتے ہوئے لکھا کہ سالگرہ کے پیغامات دینے کے لئے سب کا بہت شکریہ، میں سب کے پیغامات کا جواب نہ دینے کے لئے معذرت خواہ ہوں، لیکن جیسے ہی مجھے وقت ملا تو آپ سب سے لائیو ملاقات ہوگی۔
— Shadab Khan (@76Shadabkhan) October 4, 2022
نائب کپتان نے لکھا کہ سب کی محبتوں کا شکریہ، میری دعائیں آپ سب کے لئے ہیں۔
