لاہور:(دنیا نیوز) نیوزی لینڈ کرکٹ ٹیم کے سکیورٹی وفد نے لاہور میں پنجاب سیف سٹیز اتھارٹی کا دورہ کیا اور شہر میں نصب کیمروں سے مانیٹرنگ کے عمل کا جائزہ لیا۔
لاہور میں نیوزی لینڈ کرکٹ ٹیم کے دورے کے حوالے سے سکیورٹی وفد آیا، جس میں پی سی بی حکام سمیت سائمن انزلے، گریگ مین، ریگ ڈیکاسن اور ہیتھ مل شامل تھے۔
پاک نیوزی لینڈ کرکٹ سیریز کے سکیورٹی انتظامات کے حوالے سے نیوزی لینڈ سکیورٹی ٹیم نے پی سی بی حکام کے ہمراہ پنجاب سیف سٹیز اتھارٹی کا دورہ کیا۔ وفد نے لاہور میں سکیورٹی انتظامات پر اطمینان کا اظہار کیا۔ انکا کہنا تھا سیف سٹیز کا انفراسٹرکچر دنیا کے بہترین سسٹمز میں سے ہے. pic.twitter.com/Juum3gD7zc
— PSCA (@PSCAsafecities) September 7, 2022
وفد نے پنجاب سیف سٹیز اتھارٹی کے دورے میں شہر بھر میں نصب کیمروں سے مانیٹرنگ کے عمل کا جائزہ لیا۔
چیف آپریٹنگ آفیسر کا کہنا تھا لاہور میں کرکٹ کیلئے سکیورٹی انتظامات بین الاقوامی معیار کے مطابق ہیں، نیوزی لینڈ سکیورٹی وفد نے لاہور میں انتظامات پر اطمینان کا اظہار کیا۔
