دبئی:(ویب ڈیسک)انٹرنیشنل کرکٹ کونسل(آئی سی سی ) کی ٹیسٹ رینکنگ میں پاکستان کا 5واں نمبر جبکہ نیوزی لینڈ کی ایک درجہ تنزلی ہوگئی ہے۔
بین الاقوامی کرکٹ کونسل(آئی سی سی ) کی جانب سے ٹیسٹ رینکنگ جاری کی گئی جس میں بھارت کے ہاتھوں دو ٹیسٹ میچز کی سیریز میں شکست کے بعد نیوزی لینڈ کی ایک درجے تنزلی ہوگئی اور وہ دوسری پوزیشن پر چلی گئی ہے۔
— ICC (@ICC) December 6, 2021
India are back to the No.1 spot in the @MRFWorldwide ICC Men’s Test Team Rankings.#INDvNZ pic.twitter.com/TjI5W7eWmq
ٹیسٹ رینکنگ کے مطابق نیوزی لینڈ کو شکست دینے کے بعد بھارتی ٹیم نے پہلی پوزیشن پر قبضہ جمالیا ہے جبکہ رواں ہفتے ایشیز سیریز میں مدمقابل ہونے والی آسٹریلیا اور انگلینڈ کی ٹیمیں بالترتیب تیسری اور چوتھی پوزیشن پر موجود ہیں۔
علاوہ ازیں پاکستان پانچویں ، جنوبی افریقہ چھٹی ، سری لنکا ساتویں، ویسٹ انڈیز آٹھویں، بنگلہ دیش نویں اور زمبابوے دسویں پوزیشن پر براجمان ہے۔
