لاہور:(دنیا نیوز)پاکستان کرکٹ بورڈ(پی سی بی ) کے چیئرمین رمیز راجہ نے کرکٹ دیوانوں کے لیے اچھی خبر شیئر کر دی اور کہا کہ ویسٹ انڈیز سیریز کے بعد پی ایس ایل ، آسٹریلیا، انگلینڈ اور نیوزی لینڈ میچز میں تماشائیوں کو سٹیڈیم آنے کی اجازت ہو گی جبکہ بارہ سال سے زائد عمر اور ویکسی نیشن ہونا لازمی ہوگا۔
پاکستان کرکٹ بورڈ کے چیئرمین رمیز راجہ نے سماجی رابطے کی ویب سائٹ ٹوئٹر پر پیغام جاری کرتے ہوئے کہا کہ ویسٹ انڈیز سیریز کے بعد پی ایس ایل سیون اور آسٹریلیا، انگلینڈ سمیت نیوزی لینڈ کے پاکستان ٹورز یادگار ہوں گے ،بارہ سال سے زائد عمر کے ویکسی نیٹڈ تماشائیوں کو اسٹیڈیم آنے کی اجازت ہو گی۔
So you heard it boys and girls: a full house has been allowed for fully vaccinated fans and so if you are 12 and over, and want to be part of our best season for years inshallah starting with WI followed by PSL , Aus, England and NZ , please get COVID vaccination done.
— Ramiz Raja (@iramizraja) December 5, 2021
دوسری جانب آئندہ ہفتے کراچی پہنچنے والے کیربینز کو دھچکا لگ گیا اور ویسٹ انڈین کپتان کیرون پولارڈ انجری کے باعث نمائندگی سے محروم ہو گئے ہیں۔
