لاہور:(ویب ڈیسک)ٹی 20ورلڈ کپ میں پاکستان کرکٹ ٹیم کے بیٹنگ کنسلٹنٹ کی ذمہ داریاں نبھانے والے میتھیو ہیڈن کو پاکستانی ٹیم کی جدائی نے اداس کردیا۔
خیال رہے کہ اب قومی ٹیم اپنے اگلے مشن پر دورہ بنگلہ دیش پر پہنچ چکی ہے جہاں اس دورے میں کوچنگ سٹاف میں میتھیو ہیڈن شامل نہیں ہیں۔
اس حوالے سے سماجی رابطےکی ویب سائٹ ٹوئٹر پر سابق آسٹریلوی جارحانہ بلےباز میتھیو ہیڈن کی جانب سے اردو زبان میں ٹوئٹ کیا گیا جس میں انہوں نے قومی کرکٹ ٹیم کے لئے جذباتی پیغام جاری کیا۔
اپنے پیغام میں میتھیو ہیڈن نے لکھا کہ اسلام و علیکم پاکستان!میں برسبین کے قرنطینہ سینٹر میں بیٹھا اپنی آئیسولیشن مکمل کر رہا ہوں مگر میرا دل ڈھاکہ میں موجود پاکستان کرکٹ ٹیم کے تمام کھلاڑیوں اور اسپورٹ اسٹاف کے ساتھ جڑا ہے۔میری تمام تر نیک تمنائیں پاکستان کرکٹ ٹیم کے ساتھ ہیں۔شاباش لڑکو! چھا جاؤ۔پاکستان زندہ باد!
اسلام و علیکم پاکستان!
— Matthew Hayden AM (@HaydosTweets) November 18, 2021
میں برسبین کے قرنطینہ سینٹر میں بیٹھا اپنی آئیسولیشن مکمل کر رہا ہوں مگر میرا دل ڈھاکہ میں موجود پاکستان کرکٹ ٹیم کے تمام کھلاڑیوں اور اسپورٹ اسٹاف کے ساتھ جڑا ہے.
میری تمام تر نیک تمنائیں پاکستان کرکٹ ٹیم کے ساتھ ہیں.
شاباش لڑکو! چھا جاؤ
پاکستان زندہ باد pic.twitter.com/SUUAueSbun
واضح رہے کہ عالمی کپ میں قومی ٹیم کے کھلاڑیوں نے شاندار کھیل پیش کیا جس میں ہیڈ کوچ ثقلین مشتاق کے ساتھ ساتھ بیٹنگ کوچ میتھیو ہیڈن اور باؤلنگ کوچ ورنن فلینڈر نے بھی نمایاں کردار ادا کیا تھا۔
اب پاکستان کی ٹیم ڈھاکہ میں موجود ہے جہاں وہ بنگلہ دیش کے خلاف تین ٹی20 اور دو ٹیسٹ میچوں کی سیریز کھیلے گی۔
یاد رہے کہ قومی ٹیم نے ٹی20 ورلڈ کپ میں بہترین کھیل پیش کرتے ہوئے اپنے پانچوں میچوں میں کامیابی حاصل کی تھی۔
