لاہور:(ویب ڈیسک)ٹی 20ورلڈ کپ میں گزشتہ روز پاکستانی قوم کا سر فخر سے بلند کرنے والے وکٹ کیپر بلے باز محمد رضوان کی جتنی تعریف کی جائے وہ کم ہے،انہوں نے روایتی حریف بھارت کے خلاف اپنی ناقابل شکست فاتحانہ اننگز کھیل کر تاریخ کے اوراق میں مستقل طور پر اپنا نام لکھوا کر نہ صرف خود کا بلکہ پوری پاکستانی قوم کا نام روشن کردیا۔
اب رضوان کی ایک ایسی ویڈیو سوشل میڈیا پر وائرل ہورہی ہے جس کو دیکھ کر دنیائے کرکٹ سمیت پاکستانی شائقین بھی حیران رہ گئے ہیں۔
سماجی رابطے کی ویب سائٹ ٹوئٹر پر بین الاقوامی کرکٹ کونسل(آئی سی سی ) کی جانب سے دلچسپ ویڈیو شیئر کی گئی جس میں دیکھا جاسکتا ہے کہ بھارت کے خلاف میچ کے ہیرو محمد رضوان پریکٹس اور میچ میں ایک ہی جیسی شاٹس کھیل رہے ہیں۔
— ICC (@ICC) October 25, 2021
اگر محمد رضوان کی تاریخی اننگز کے پیچھے کے راز کی بات کی جائے تو ان کا عاجزی پسند اور اللہ کے حضور سجدہ ریز ہونا ہی کامیابی کی اصل کنجی ہے۔
پاکستانی بلے باز کی میچ کے نماز کی ادائیگی کی ویڈیو نے نہ صرف پاکستانیوں بلکہ مسلمانوں کے بھی دل جیت لئے ہیں اور سبھی یہ کہہ رہے ہیں کہ جو ہر حالت میں اپنے اللہ کے حضور پیش ہونے کو نہیں بھولتے تو کامیابی ان کے قدم چومتی ہے۔
— Shahbaz Islam (@Shahbaz__Islam) October 24, 2021
یاد رہے کہ بھارت کے خلاف بڑے ٹاکرے میں پاکستانی وکٹ کیپر بلے باز محمد رضوان نے شاندار بلے بازی کا مظاہرہ کرتے ہوئے ناقابل شکست 55گیندوں پر 79رنز کی اننگز کھیل کر پاکستان کو تاریخی فتح دلوائی۔
