لاہور: (ویب ڈیسک) پاکستان سپر لیگ (پی ایس ایل) کے سیزن 6 کے بقیہ میچز میں اسلام آباد یونائیٹڈ کی نمائندگی کیلئے تیار جنوبی افریقی کرکٹر جانِ من مالان کا کہنا ہے کہ وہ اردو میں جانِ من کا مطلب جانتے ہیں اور پاکستانیوں کا ’جانِ من‘ بننے کے منتظر ہیں۔
خیال رہے کہ کھلاڑیوں اور آفیشلز میں کورونا وائرس کے کیسز بڑھنے کے بعد پی سی بی نے ایونٹ کو غیر معینہ مدت تک کے لیے ملتوی کردیا تھا۔
پی ایس ایل کے باقی میچز یکم سے 20 جون تک کراچی میں کھیلے جائیں گے، ایک ہفتے کا قرنطینہ 22 مئی سے شروع ہو گا۔
سوشل میڈیا سائٹ ٹوئٹر پر جاری پیغام میں جانِ من مالان نے کہا کہ اسلام آباد یونائیٹڈ میں شامل ہونے کیلئے پرجوش ہوں، اس فرنچائز کے بارے میں بہت سی زبردست باتیں سن رکھی ہیں۔
Excited to join @IsbUnited Heard so many great things about the franchise. I just found out what Janneman means in urdu. I wish to be janneman to all Pakistanis with my performances in the PSL. #UnitedWeWin
— Janneman Malan (@Janneman_Malan) April 28, 2021
جنوبی افریقی کرکٹر نے یہ بھی کہا کہ مجھے ابھی ہی معلوم ہوا کہ جانِ من مالان کے اردو میں کیا معنی ہیں، لہذا میں کوشش کروں گا کہ اپنی پرفارمنس سے پاکستانیون کا ’جانِ من‘ بن سکوں۔
انہوں نے اپنے ٹوئٹ میں ہیش ٹیگ ’یونائیٹڈ وی وِن‘ کا بھی استعمال کیا۔
