لاہور: (ویب ڈیسک) راولپنڈی میں خان ریسرچ لیبارٹریز گراونڈ کو پاکستان کے سابق فاسٹ باولر شعیب اختر کے نام سے منسوب کر دیا گیاہے ۔
سماجی رابطے کی ویب سائٹ ٹویٹر پر شعیب اختر نے اپنے نام سے منسوب کرکٹ سٹیڈیم کی تصاویر جاری کیں اور کہا کہ سٹیڈیم کا نام مجھ سے منسوب ہونا میرے لیے کسی اعزاز سے کم نہیں۔ لوگوں کی محبت کو الفاظ میں بیان کرنا میرے لیے ممکن نہیں ہے۔
شعیب اختر نے لکھا کہ میں کم و بیش ہی لفظوں سے خالی ہوتا ہوں لیکن واقعی آج میرے پاس لوگوں کی محبت کو بیان کرنے کیلئے الفاظ نہیں ہیں۔ میں نے پوری ایمانداری کے ساتھ ، پوری لگن اور جذبے سے عزم و استقامت کے ساتھ پاکستان کی خدمت کے لئے ہمیشہ پوری کوشش کی ہے۔ پرچم بلند رکھنے کیلئے ہمیشہ کوشاں رہوں گا۔
I have always done by best to serve Pakistan with utmost dedication and passionate determination, with integrity. To always keep our flag high. Today and everyday I wear the star on my chest with pride. Thank you, Pakistan. Zindabad pic.twitter.com/nCaPDKTZZ8
— Shoaib Akhtar (@shoaib100mph) March 13, 2021
