لاہور: (ویب ڈیسک) سینیٹ الیکشن میں ناکامی کے بعد وزیراعظم عمران خان کا پارلیمنٹ میں اعتماد کا ووٹ حاصل کرنے کے بعد قومی کرکٹرز بھی وزیراعظم کی تعریف کرنے لگے۔
سماجی رابطے کی ویب سائٹ ٹویٹر پر اپنے ایک بیان میں قومی ٹیم کے آل راؤنڈر اور ٹی ٹونٹی میں رنز مشین بنانے والے محمد حفیظ نے لکھا کہ وزیراعظم عمران خان کا اعتماد کا ووٹ حاصل کرنا ایک جارحانہ اقدام ہے۔
Master stroke #VoteOfConfidence @ImranKhanPTI
— Mohammad Hafeez (@MHafeez22) March 6, 2021
عمران خان کی طرف سے اعتماد کے ووٹ لینے کے بعد ایک اور آل راؤنڈر عامر یامین نے سماجی رابطے کی ویب سائٹ ٹویٹر پر لکھا کہ ہمیشہ کی طرح عظیم کپتان۔
Great Captain Always #VoteOfConfidence @ImranKhanPTI
— Amir Yamin (@amiryamin54) March 6, 2021
یاد رہے کہ آج وزیراعظم عمران خان نے پارلیمنٹ ہاؤس میں اعتماد کا ووٹ حاصل کیا، اس بار انہوں نے 178 ووٹ حاصل کیے، اکثریت کے لیے وزیراعظم کو 172 ووٹ درکار تھے۔
