یہ میں ہوں، یہ میری ٹیم اور ہم جیت کر پارٹی کر رہے ہیں، حسن کی ویڈیو وائرل

لاہور: (روزنامہ دنیا) قومی کرکٹر حسن علی نے جنوبی افریقہ کے خلاف سیریز جیتنے کے بعد سوشل میڈیا پر گردش کرنے والی لڑکی کی ویڈیو کے انداز کہا کہ 'یہ میں ہوں، یہ میری ٹیم ہے اور ہم سیریز جیتنے کے بعد پاوری (پارٹی) کر رہے ہیں'۔

ٹیم ٹرافی لے کر بیٹھی ہوئی تھی جس پر فاسٹ باؤلر حسن علی نے سیلفی لیتے ہوئے یہ کہا اس کے بعد ساری ٹیم خوشی سے شور مچاتی ہے۔

یہ ہماری ٹیم ہے
اور
یہ ہماری سیلیبریشن ہو رہی ہے #PAKvSA | #HarHaalMainCricket | #BackTheBoysInGreen pic.twitter.com/69LrEJhF24

— Pakistan Cricket (@TheRealPCB) February 14, 2021

یاد رہے چند روز قبل سوشل میڈیا پر ایک ویڈیو وائرل ہوئی تھی جس میں چند طلبا شمالی علاقہ جات میں موجود تھے اور ان میں سے ایک لڑکی انگریزی کے بناؤٹی انداز میں اردو بولتے ہوئے اپنا تعارف کچھ اس طرح کرواتی ہے یہ ہماری کار ہے، یہ ہم ہیں اور یہ ہماری پاوری ہو ری (پارٹی ہورہی) ہے ۔