اسلام آباد: (دنیا نیوز) خصوصی سرمایہ کاری سہولت کونسل (ایس آئی ایف سی) کے تحت جی پی آئی کی کاوشوں سے زراعت کے شعبے کی ترقی و خوشحالی کے نئے باب کا آغاز ہوگیا۔
ایس آئی ایف سی کے تحت گرین پاکستان انیشیٹو( جی پی آئی) زراعت کے شعبے کو مستحکم کرنے کے ساتھ ساتھ ماحولیاتی تحفظ کیلئے کوشاں ہے۔
جی پی آئی کا مقصد زراعت میں ماحول دوست طریقے متعارف کروا کر پائیدار مستقبل کو یقینی بنانا ہے۔
گرین پاکستان انیشیٹو جی پی آئی کے تحت چولستان کی بنجر زمین کو قابلِ کاشت بنا کر اور جدید آبپاشی نظام کے ذریعے زرعی شعبے کے استحکام کیلئے اقدامات جاری ہیں، جدید مشینری کے استعمال کو یقینی بنا کر پائیدارزرعی نظام تشکیل دینے کیلئے جی پی آئی کی کاوشیں جاری ہیں۔
پنجاب میں 25 ’گرین ایگری مال‘ اور سمارٹ ایگری فارم کا قیام زرعی ترقی کی سمت میں اہم قدم ہے۔
پیرووال اور مظفرگڑھ میں تیار کئے گئے ماڈل فارمز کسانوں کو جدید زرعی تکنیکوں سے متعلق آگاہی فراہم کریں گے، جدید ٹیکنالوجی، معیاری بیج اور جدید آبی وسائل کے ذریعے زرعی پیداوار میں نمایاں اضافہ متوقع ہے۔
جی پی آئی کی معاونت سے روایتی زراعت سے کارپوریٹ طرز کی زراعت کی جانب تبدیلی زرعی شعبے کیلئے اہم اقدام ہے۔
