کراچی: (دنیا نیوز) سٹیٹ بینک آف پاکستان کے مطابق ملکی ترسیلات زر میں اضافہ ہوگیا۔
سٹیٹ بینک کے مطابق ملکی ترسیلات زرجنوری کے مہینے میں 3 ارب ڈالر پر پہنچ گئیں، جنوری 2025 میں ملکی ترسیلات زرمیں 25.2 فیصد اضافہ ہوا۔
مالی سال 2025 کے 7 ماہ میں 20 ارب 80 کروڑ ڈالر ترسیلات زرموصول ہوئیں، مالی سال 2025 کے 7 ماہ میں ترسیلات زر 31.7 فیصد بڑھیں۔
سٹیٹ بینک کے مطابق گزشتہ مالی سال کے ابتدائی سات ماہ میں ترسیلات زر کا حجم 15 ارب 80 کروڑ ڈالر تھا۔
خیال رہے کہ عمران خان کی بیرون ملک مقیم پاکستانیوں کو ترسیلات زر نہ بھیجنے کی اپیل زمین بوس ہوگئی، بانی پی ٹی آئی نے دسمبر 2024 میں بیرون ملک پاکستانیوں سے احتجاجاً ترسیلات زر ملک نہ بھیجنے کی اپیل کی تھی۔
