کراچی: (دنیا نیوز) پاکستان سٹاک مارکیٹ ایک بار پھر منفی زون میں جانے لگی، انڈیکس ایک لاکھ 13 ہزار پوائنٹس کی حد سے بھی نیچے آ گیا۔
کاروباری ہفتے کے پہلے روز سٹاک مارکیٹ میں کاروبار کے دوران شدید مندی دیکھنے میں آئی، 1400 پوائنٹس کی کمی کے ساتھ پاکستان سٹاک ایکسچینج میں ہنڈرڈ انڈیکس ایک لاکھ 12 ہزار 855 پوائنٹس کی سطح پر ٹریڈ کر رہا ہے۔
واضح رہے کہ گزشتہ کاروباری ہفتے کے پانچویں اور آخری روز سٹاک مارکیٹ میں کاروبار کا آغاز مثبت زون میں ہوا جو ٹریڈنگ کے اختتام تک برقرار رہا، سٹاک مارکیٹ میں 100 انڈیکس ایک لاکھ 14 ہزار 255 پوائنٹس کی سطح پر بند ہوا تھا۔
