نیویارک:(دنیا نیوز) چین کے سب سے بڑے شہر شنگھائی میں کورونا کے باعث لاک ڈاؤن کا اعلان ہوتے ہی عالمی مارکیٹ میں تیل کی قیمتیں گرنا شروع ہوگئیں۔
غیر ملکی میڈیا رپورٹس کے مطابق گزشتہ روز چینی حکومت نے شنگھائی میں مرحلہ وار لاک ڈاؤن کا اعلان کیا تھا، اس اعلان کے بعد عالمی مارکیٹ میں تیل کی قیمتیں 5 فیصد تک گر گئیں۔
امریکی خام تیل عالمی مارکیٹ میں 108 ڈالر فی بیرل پر فروخت ہو رہا ہے، روس اور یوکرین کی جنگ کے بعد تیل کی قیمت 6 سال کی بلند ترین سطح پر پہنچ گئی تھی۔
