اسلام آباد: (دنیا نیوز) عالمی ریٹنگ ایجنسی موڈیز کا کہنا ہے کہ آئی ایم ایف کے 1 ارب ڈالر قرض اور حالیہ سکوک بانڈز کے اجراء سے پاکستان کے زرمبادلہ ذخائر کو سہارا ملے گا۔
موڈیز کی عالمی سکوک بانڈز کے حوالے سے جاری رپورٹ میں کہا گیا ہے کہ پاکستان نے جنوری 2022 میں سکوک بانڈز کا اجراء کیا، اس سے قبل 2017 میں پاکستان نے اسلامی بانڈز کی نیلامی کی تھی۔
رپورٹ کے مطابق عالمی مالیاتی ادارے سے ایک ارب ڈالر قرض کی وسط ملنے اور غیر ملکی بانڈز نیلامی سے پاکستان کے زرمبادلہ ذخائر میں اضافہ ہوگا جن پر عالمی ادائیگیوں کی وجہ سے دباؤ ہے۔
ماہرین کا کہنا ہے کہ بیرونی سرمایاکاری اور ایکسپورٹس بڑھ جائیں تو پاکستان کو غیر ملکی قرضوں سے چھٹکارا مل سکتا ہے۔
