لاہور: (ویب ڈیسک) وفاقی وزیر علی زیدی، وفاقی وزیر پٹرولیم عمر ایوب خان، وزیراعظم کے معاون خصوصی برائے پٹرولیم ندیم بابر کراچی میں سمندر کے اندر ہونے والی ڈرلنگ دیکھنے پہنچ گئے۔
Off to the big rig with @OmarAyubKhan & Nadeem Babar...230 KM from the coast of KHI. pic.twitter.com/kh2tATPoZU
— Ali Haider Zaidi (@AliHZaidiPTI) May 10, 2019
روانگی سے قبل وفاقی وزیر علی زیدی نے لکھا کہ ساحل سمندر کے اندر 230 کلو میٹر کے فاصلے پر واقع تیل کے بڑے چشمے کو دیکھنے جا رہے ہیں۔ میرے ساتھ وفاقی وزیر پٹرولیم عمر ایوب خان، وزیراعظم کے معاون خصوصی برائے پٹرولیم ندیم بابر بھی ہیں۔
اس موقع پر وفاقی وزیر عمر ایوب خان، علی زیدی، ندیم بابر نے کیکڑا 1 سائٹ پر پہنچنے کے بعد ڈرلنگ کرنیوالی انجینئرنگ ٹیم کے ساتھ تصویریں بھی اتروائیں۔
یاد رہے کہ تیل دریافت کرنے والی امریکی کمپنی ایگزون موبل اور ای این آئی رواں سال جنوری کے بعد سے تیل کی تلاش کے لیے کراچی کے سمندری علاقے کیکڑا 1 میں 230 کلومیٹر تک انتہائی گہری کھدائی کررہی ہیں۔
ایگزون موبل کمپنی تقریباً ایک دہائی بعد گذشتہ برس ہونے والے اُس سروے کے بعد پاکستان واپس آئی تھی جس میں کہا گیا تھا کہ پاکستانی سمندر میں تیل کا بہت بڑا ذخیرہ ہو سکتا ہے۔
At the Kekra 1 site. Aboard the Saipam 2000 Oil Rig Ship. Operated by Eni and Exxon. @AliZaidiNews pic.twitter.com/Ekn2zkU9uP
— Omar Ayub Khan (@OmarAyubKhan) May 10, 2019
