اسلام آباد: (دنیا نیوز) آئندہ وفاقی بجٹ میں سٹاک مارکیٹ میں سرمایہ کاری کی حوصلہ افزائی کیلئے ٹیکس ریٹس میں کمی کی جا سکتی ہے۔
دنیا نیوز کی حاصل کردہ بجٹ دستاویز کےمطابق سٹاک مارکیٹ میں غیرملکی سرمایہ کاروں اور نان ریذیڈینٹ پاکستانیوں کو کیپیٹل گین ٹیکس میں ریلیف دینے پر بھی غور کیا جا رہا ہے۔ دو سال تک سرمایہ کاری پر 10 فیصد اور اس سے زائد مدت کیلئے سرمایہ لگانے پر زیرو ٹیکس کی تجویز پیش کی گئی ہے۔ بونس شیئرز پر عائد ٹیکس ختم کرنے کی تجویز بھی زیر غور ہے۔
