نئی دہلی: (دنیا نیوز) پہلگام حملہ، انٹیلی جنس کی ناکامی، سوال اٹھنے لگے، پہلگام حملے میں انٹیلی جنس ناکامی پر بھارتی عوام اور حکومتی اہلکار سیخ پا ہو گئے۔
بھارتی صحافی راہول پنڈیتا کا کہنا ہے کہ پہلگام حملہ میں کہیں نہ کہیں بھارتی فوج کی انٹیلی جنس ناکامی ہے۔
رادھا کمار نے کہا کہ سی آر پی ایف کی پوسٹ کو الرٹ جاری ہونے کے باوجود ہٹا دیا گیا تھا، ایک کوتاہی کے بعد مزید کوتاہیاں برتی گئیں، جیسے پلوامہ میں ہوا تھا۔
کرنل (ریٹائرڈ) اجے شکلا نے کہا کہ دہشتگردی کو ختم کرنے کے جھوٹے بیانیے نے بیشتر لوگوں کی جانیں لے لیں۔
سدھارت واردھان کا کہنا تھا کہ بھارتی وزیر داخلہ کا شمار اُن لوگوں میں ہوتا ہے جو سب سے زیادہ غیر ذمہ دار ہیں۔
جنرل (ریٹائرڈ) وی پی ملک نے کہا کہ میرا سوال یہ ہے کہ بھارتی انٹیلی جنس کو کیا ہو ا اور ناکامی کیوں ہوئی۔
دوسری طرف بھارتی ریاست کرناٹک کے وزیر اعلیٰ سدارامیا نے کہا کہ پہلگام حملے میں سکیورٹی اور انٹیلی جنس کی ناکامی ہوئی، پاکستان کے ساتھ جنگ کے حق میں نہیں ہیں، امن چاہتے ہیں، بھارت کو سکیورٹی اقدامات مزید بہتر بنانے کی ضرورت ہے۔
