واشنگٹن: (دنیا نیوز) امریکی صدر ٹرمپ نے پہلگام فائرنگ واقعے کے بعد وزیر اعظم نریندر مودی کو فون کیا۔
ڈونلڈ ٹرمپ نے مقبوضہ کشمیر میں سیاحوں پر ہونے والے حملے کی مذمت کی اور کہا کہ حملے میں زخمی ہونیوالوں کی جلد صحت یابی کیلئے دعا گو ہیں۔
امریکی صدر نے مجرموں کو انصاف کے کٹہرے میں لانے کیلئے بھارت کو مکمل حمایت کی یقین دہانی کروائی۔
امریکی نائب صدر جے ڈی وینس نے متاثرین کے ساتھ تعزیت کا اظہار کیا اور کہا کہ ہمارے خیالات اور دعائیں اس خوفناک حملے میں ان کے ساتھ ہیں۔
سعودی ولی عہد محمد بن سلمان نے بھی خوفناک حملے کی شدید مذمت کی اور کہا کہ دہشت گردانہ حملے کے متاثرین سے اظہار افسوس کرتے ہیں، اماراتی وزارت خارجہ کی جانب سے متاثرین سے دلی تعزیت اور ہمدردی کا اظہار کیا گیا۔
