غزہ: (دنیا نیوز) اسرائیلی فورسز کی غزہ میں بربریت کا سلسلہ جاری ہے، 24گھنٹوں میں اسرائیلی حملوں سے 25 افراد شہید ہو گئے۔
عرب میڈیا کے مطابق مقبوضہ مغربی کنارے میں اسرائیلی فوج نے دو فلسطینیوں کو شہید کر دیا، غزہ میں شہدا کی مجموعی تعداد 51 ہزار 25 ہوگئی جبکہ 1 لاکھ 16 ہزار 343 فلسطینی زخمی ہیں۔
دوسری جانب اسرائیلی وزیر دفاع کا کہنا ہے کہ اسرائیلی فوجی غزہ کے زیر قبضہ علاقوں میں غیر معینہ مدت تک موجود رہیں گی، اسرائیلی فوج کے زیر قبضہ غزہ کےعلاقوں کو سکیورٹی زونز کا نام دیا گیا ہے۔
کاٹز نے حماس کے خلاف دباؤ کیلئے خوراک کی غزہ میں ترسیل روکنے کا اعتراف کرتے ہوئے کہا کہ اسرائیل کی پالیسی واضح ہے کہ کوئی انسانی امداد غزہ میں داخل نہیں ہوگی۔
