ماسکو: (دنیا نیوز) روس کے صدر ولادیمیر پیوٹن نے یوکرین میں جنگ بند کرنے کے ارادے کا اظہار کر دیا ہے۔
جی 20 رہنماؤں سے ورچوئل خطاب کرتے ہوئے روس کے صدر ولادیمیر پیوٹن نے کہا ہے کہ یوکرین میں جنگ کے خاتمے پر غور کر رہے ہیں، یوکرین سے امن قائم کرنے کیلئے آگے بڑھنے کو تیار ہیں، جنگ سے کچھ حاصل نہیں ہوتا۔
واضح رہے کہ فروری 2022ء میں شروع ہونے والی جنگ کے بعد روس اور یوکرین میں درجنوں افراد ہلاک اور سینکڑوں زخمی ہو چکے ہیں جبکہ امریکا یوکرین کو بھرپور مالی اور فوجی امداد فراہم کر رہا ہے، رواں سال یوکرین کیلئے 250 ملین ڈالرز کے پیکیج کا اعلان کیا تھا۔
