انقرہ : (ویب ڈیسک ) ترکیہ کی امدادی ٹیموں نے ہولناک زلزلے کے بعد ہونیوالی تباہی کے 140 گھنٹے بعد سات ماہ کے بچے کو زندہ بچا لیا ۔
غیر ملکی میڈیا کے مطابق ترکیہ کی ریاست ہاتائی میں امدادی ٹیمیں پیر کی صبح آنے والے زلزلے کی تباہی کے 140 گھنٹے بعد 7 ماہ کے بچے کو ملبے کے نیچے سے نکالنے میں کامیاب ہو گئی۔
گریٹر کوکیلی میونسپلٹی نے ایک بیان میں کہا کہ اس کی فائر فائٹنگ ٹیموں نے سات ماہ کے حمزہ کو ہاتائی کے علاقے انطاکیا میں ایک عمارت کے ملبے کے نیچے سے بچا لیا۔
بیان میں بتایا گیا کہ ٹیموں نے بچے کو ملبے تلے 140 گھنٹے رہنے کے بعد نکالا ، بچے کو ہسپتال منتقل کرنے کے لیے ایمبولینس ٹیم کے حوالے کر دیا۔
Hatay ın Antakya ilçesinde enkaz altında kalan 7 aylık bebek, Kocaeli Büyükşehir Belediyesi itfaiye ekipleri tarafından 140 saat sonra kurtarıldı https://t.co/56TTRI993N pic.twitter.com/J16KZycp02
— ANADOLU AJANSI (@anadoluajansi) February 11, 2023
یاد رہے کہ 6 فروری کو صبح کے وقت جنوبی ترکیہ اور شام میں 7.7 شدت کے زلزلے نے تباہی مچادی ، دونوں ممالک میں ہلاکتوں کی تعداد 28 ہزار تک پہنچ گئی ہے جبکہ متاثرہ علاقوں میں امدادی سرگرمیاں جاری ہیں ۔
