یونان سے وینٹج طیاروں کی منفرد ریس کا آغاز

طیارے یونان سے جنوبی افریقہ کے شہر کیپ ٹاؤن تک پہنچنے کے لیے بارہ ہزار آٹھ سو کلومیٹر کا فاصلہ طے کریں گے

ایتھنز (دنیا نیوز ) یونان سے وینٹج طیاروں کی منفرد ریس کا آغاز ہو گیا ۔ جنوبی افریقہ تک پہنچنے کے لیے طیارے بارہ ہزار آٹھ سو کلومیٹر کا فاصلہ طے کریں گے ۔ یونان کے جزیرے کریٹ Crete سے ریس کا آغاز ہوا جس میں انیس سو تیس کی دہائی میں استعمال کیے جانے والے بارہ جہاز حصہ لے رہے ہیں ۔ قدیم طیاروں کے درمیان ایسا مقابلہ پہلی بار منعقد کیا جا رہا ہے ۔ طیارے یونان سے جنوبی افریقہ کے شہر کیپ ٹاؤن تک پہنچنے کے لیے بارہ ہزار آٹھ سو کلومیٹر کا فاصلہ طے کریں گے ۔ طیارے اٹھارہ ممالک کے اوپر پرواز کریں گے اور سفر پورا کرنے میں پینتیس دن لگیں گے ۔ ریس سے ہونے والی کمائی رفاہی اداروں کو عطیہ کی جائے گی ۔