پشاور : ( ویب ڈیسک ) نیشنل گیمز کیلئے خیبر پختونخوا ہاکی ایسوسی ایشن کی جانب سے گزشتہ روز ٹرائلز کا آغاز ہوگیا۔
پہلے روز صوبے کے 40 سے زائد کھلاڑیوں نے ٹرائلز میں شرکت کی ، ٹرائلز کے بعد 18 رکنی ٹیم کی سلیکشن کی جائے گی ۔
یاد رہے کہ نیشنل گیمز میں خیبر پختونخوا کی نمائندگی کرنے کیلئے ہاکی ٹیم کے ساتھ ایسوسی ایشن کے کوچز اور دیگر آفیشل بھی ٹیم کا حصہ رہیں گے ۔
خیال رہے کہ کوئٹہ میں منعقدہ نیشنل گیمز کو دو مرحلوں میں تقسیم کیا گیا ہے پہلے مرحلے میں ٹیم ایونٹ ہونگے جبکہ دوسرے مرحلے میں انفرادی مقابلے ہونگے۔
