واشنگٹن : (ویب ڈیسک ) ترکیہ کے معروف شیف سالٹ بے کی یو ایس اوپن کپ 2023 کے فائنل میں شرکت پر پابندی عائد کر دی گئی۔
غیر ملکی میڈیا رپورٹس کے مطابق ترک شیف نصر گوکسی جو کہ ’’ سالٹ بے ‘‘ کے نام سے پوری دنیا میں شہرت رکھتے ہیں پر انکی حرکات کی وجہ سے امریکی ٹینس ٹورنامنٹ یو ایس اوپن کے فائنل میں شرکت پر پابندی عائد کر دی گئی ہے۔
یو ایس اوپن کی جانب سے سماجی رابطے کی ویب سائٹ ٹوئٹر پر اپنے آفیشل ہینڈل کے ذریے سالٹ بے پر پابندی کا اعلان کیا گیا۔
Salt Bae is hereby banned from the 2023 @opencup Final
— U.S. Open Cup (@opencup) December 20, 2022
یہ فیصلہ فیفا ورلڈ کپ کے فائنل میں مشہور شیف کی حرکات کے بعد سامنے آیا ہے جس نے دنیا بھر کے فٹ بال شائقین کو ناراض کر دیا تھا تاہم انٹرنیٹ صارفین کی جانب سے یو ایس اوپن کے فیصلے کو بہت سراہا جا رہا ہے۔
واضح رہے کہ سالٹ بی نے فیفا ورلڈ کپ کے فائنل کے دوران فاتح ٹیم کے کھلاڑیوں کے ساتھ تصاویر بنانے کیلئے انہیں پریشان کر دیا تھا جس پر فٹبال شائقین کی جانب سے انتہائی غصے کا اظہار کیا گیا تھا۔
