لندن: (دنیا نیوز) مارکٹائی کے جوشیلے، بھڑکیلے اور پھرتیلے کھیل باکسنگ کے تگڑے مقابلہ کی تیاریاں تیز، ورلڈ ہیوی ویٹ ٹائٹل کے لیے انتھونی جوشووا اور ٹائسن فری کی دو فائٹس فائنل ہو گئیں، ڈیل پر سائن ہو گئے، وقت اور وینیو کا جلد فیصلہ ہو گا، مداح ابھی سے انتظار میں بے قرار ہونے لگے۔
تفصیل کے مطابق دنیائے باکسنگ کے دو بڑے نام انتھونی جوشووا اور ٹائسن فیوری ورلڈ ہیوی ویٹ مقابلے کے لیے اِن ایکشن ہوں گے۔ دو فائٹس کے لیے معاہدہ اور ڈیل پر سائن ہوتے ہی تیاریاں تیز کر دی گئی ہیں۔
ٹریننگ اور ورک آؤٹس کا شیڈول بھی تیار کر لیا گیان ہے۔ لڑائی مار کٹائی کا "زور کا جوڑ" کب اور کہاں ہو گا؟ وقت اور وینیو بھی جلد فائنل ہو جائیں گے۔
باکسنگ شیدائی ابھی سے بے قرار ہیں۔ اے جے کے نام سے مشہور انتھونی جوشووا نے چوبیس میں بائیس ناک آؤٹ کیے جبکہ دا جپسی کنگ کے نام سے جانے جانے والے ٹائسن فیوری کا تجربہ زیادہ ہے۔
انہوں نے تیس باؤٹس میں سے اکیس بار حریفوں کو ناک آؤٹ کیا۔ جوشیلے اور بھڑکیلے مقابلوں سے پہلے صرف باکسر ہی نہیں، مداح بھی پرجوش ہو گئے ہیں۔
