اسلام آباد: (دنیا نیوز) بھارت نے حضرت امیر خسروؒ کے عرس میں شرکت کیلئے 188 پاکستانی زائرین کو ویزے جاری کر دیئے۔
ترجمان وزارت مذہبی امور کے مطابق حضرت امیر خسروؒ کے عرس میں شرکت کیلئے پاکستانی زائرین 12 اپریل کو لاہور سے روانہ ہوں گے اور 18 اپریل تک دہلی میں قیام کریں گے۔
وزارت مذہبی امور کے شعبہ زیارت نے زائرین کو آج لاہور پہنچنے کی ہدایت کی ہے، زائرین کو ضروری تربیت اور سفری دستاویزات فراہم کی جائیں گی۔
ترجمان کے مطابق پاکستانی زائرین نے ماضی کے برعکس ویزوں کے بروقت اجراء پر متعلقہ حکام کا شکریہ ادا کیا۔
