لاہور: (دنیا نیوز) وزیر اعلیٰ پنجاب مریم نواز شریف نے رمضان المبارک میں انتظامات کی نگرانی پر صوبائی وزرا کی ڈیوٹیاں لگا دیں۔
چیف سیکرٹری پنجاب کی منظوری سے کینٹ ڈویژن نے نوٹیفکیشن جاری کر دیا جو تمام متعلقہ محکموں کو ارسال کر دیا گیا۔
نوٹیفکیشن کے مطابق وزیر اعلیٰ پنجاب نے صوبائی وزرا کو صوبہ کی 9 ڈویژن کی ماہ صیام کے انتظامات کی ذمہ داریاں سونپ دیں۔
صوبائی وزیر خزانہ مجتبیٰ شجاع الرحمان صوبائی دارالحکومت لاہور ڈویژن کی نگرانی کریں گے، صوبائی وزیر بلال یاسین گوجرانوالہ اور گجرات ڈویژن کی نگرانی کریں گے۔
نوٹیفکیشن کے مطابق صوبائی وزیر ٹرانسپورٹ بلال اکبر راولپنڈی، ذیشان رفیق سرگودھا کی نگرانی کریں گے، صوبائی وزیر سی اینڈ ڈبلیو صہیب احمد برتھ ملتان، سردار شیر علی گورچانی کو بہاولپور کی ذمہ داری سونپ دی گئی ہے۔
کاظم پیرزادہ ڈی جی خان، خواجہ عمران نذیر فیصل آباد ڈویژن، رانا سکندر حیات کو ساہیوال کی ذمہ داری سونپ دی گئی۔
