اسلام آباد:(دنیا نیوز) وکیل تحریک انصاف فیصل چودھری نے کہا ہے کہ ملک کی 18جماعتیں عمران خان کی ہم آوازبن چکی ہیں۔
دنیا نیوزکے پروگرام ’’بات نکلےگی!‘‘میں گفتگو کرتے ہوئے فیصل چودھری کا کہنا تھا کہ ایک کانفرنس سے حکومت خوفزدہ ہوگئی، کانفرنس میں کسی کے خلاف کوئی بات نہیں کی گئی۔
انہوں نے کہا کہ پہلے بانی پی ٹی آئی کی آواز اکیلی تھی اب ملک کی18جماعتیں ہم آواز ہیں، جےیوآئی اور پی ٹی آئی میں خلیج کو کم کیا گیا ہے۔
فیصل چودھری کا مزید کہنا تھا کہ جب اتحاد بنتا ہے تو اس میں تمام جماعتوں کی مرضی شامل ہوتی ہے۔
