بارکھان: (دنیانیوز) بلوچستان کے ضلع بار کھان میں بس سے اتار کر 7 مسافروں کو قتل کرنے کا مقدمہ نامعلوم افراد کے خلاف درج کرلیا گیا۔
پولیس حکام کے مطابق بارکھان کے علاقے رڑکن میں کوئٹہ سے فیصل آباد جانے والی مسافر بس کو دہشت گردوں نے روک کر 7 مسافروں کو شناختی کارڈ دیکھ کر اتارا اور قتل کردیا تھا۔
واقعہ کا مقدمہ سی ٹی ڈی لورالائی تھانے میں ایس ایچ او سی ٹی ڈی کی مدعیت میں نامعلوم افراد کے خلاف درج کیا گیا۔
مقدمے میں قتل اور انسداد دہشت گردی کی دفعات بھی شامل کی گئی ہیں تاہم ابھی کوئی گرفتار ی عمل میں نہیں آئی۔
واضح رہے کہ واقعہ میں جاں بحق افراد میں سے ایک کا تعلق لودھراں، دو کا فیصل آباد، ایک کا لاہور، دوکا وہاڑی اور ایک کا تعلق شیخوپورہ سے تھا۔
صدر مملکت آصف علی زرداری ،وزیراعظم شہباز شریف اور وفاقی وزیر داخلہ محسن نقوی نے دہشت گردی کے واقعے پر مذمت کی تھی۔
