اسلام آباد : ( دنیانیوز) سی ٹی ڈی میں خصوصی انویسٹی گیشن سیل کا قیام عمل میں لایا گیا ہے جو دہشت گردی اور انتہا پسندی کی مالی معاونت کے مقدمات کی تفتیش کرے گا ۔
ترجمان کا کہنا ہے کہ خصوصی انویسٹی گیشن سیل میں گریڈ17 کا افسر انچارج تعینات کیا جائے گا، جو براہ راست ایس ایس پی سی ٹی ڈی کو رپورٹ کرے گا۔
بین الاقوامی معیار کے مطابق خصوصی تفتیشی سیل میں دیگر قانون نافذ کرنے والے اداروں سے بھی تعاون لیا جائے گا ۔
خصوصی سیل میں دہشت گردی اور انتہاء پسندی کی مالی معاونت کرنے والوں کے خلاف قانونی کارروائی عمل میں لائی جائے گی۔
