لاہور: (دنیا نیوز) پاکستان تحریک انصاف کے رہنما اور سابق وفاقی وزیر فواد چودھری نے کہا ہے کہ لاہور نے بہت عزت دی لیکن عمران خان کو حاضری پر مجبور کرکے انتہائی زیادتی پر مبنی کارروائی کی گئی۔
سماجی رابطے کی ویب سائٹ ٹوئٹر پر اپنے پیغام میں رہنما پی ٹی آئی فواد چودھری نے کہا ہے کہ عمران خان کی سکیورٹی اور میڈیکل دونوں کو شدید خطرے میں ڈالا گیا، صرف ایک دھکا دوبارہ فریکچر کیلئے کافی تھا، جعلی میڈیکل رپورٹ پر فرار نواز شریف کو بلایا نہیں اور عوام کے لیڈر سے ایسا سلوک؟۔
— Ch Fawad Hussain (@fawadchaudhry) February 21, 2023
اپنے ایک اور ٹوئیٹ میں فواد چودھری نے کہا کہ اوورسیز پاکستانیوں سے پی ڈی ایم حکومت کا سلوک شرمناک ہے، دبئی کے ٹکٹ میں 50 ہزار اور شارجہ کے ٹکٹ میں 75 ہزار روپے کا ٹیکس لگا دیا گیا ہے۔
— Ch Fawad Hussain (@fawadchaudhry) February 21, 2023
سابق وفاقی وزیر کا مزید کہنا تھا کہ امریکہ جانے والے اڑھائی لاکھ، لندن اور یورپ جانے والے ڈیرھ لاکھ روپے تک ٹیکس بھریں گے، پاکستان میں رہنے والے اور اوورسیز سب اس حکومت سے تنگ ہیں۔
