لاہور: (دنیا نیوز) لاہور کے علاقے کلمہ چوک پر گھر میں آتشزدگی کا واقعہ پیش آیا ہے ۔
تفصیلات کے مطابق لاہور کے علاقے فالکن کمپلیکس کلمہ چوک پر گھر میں آگ لگنے سے ایک بچی جھلس کر جاں بحق جبکہ دوسرا بچہ شدید زخمی ہے ۔
واقعے کی اطلاع ملتے ہی ریسکیو ٹیمیں موقع پر پہنچ گئیں اور امدادی کارروائیوں کا آغازکیا ، ریسکیو کے مطابق جاں بحق بچی ایمان کی عمر ایک سال ہے جبکہ پانچ سالہ عبدالرحمٰن کو تشویشناک حالت میں جناح ہسپتال منتقل کردیا گیا ہے ۔
ریسکیوحکام کے مطابق آگ لگنے کی وجہ تاحال سامنے نہیں آسکی ہے ۔
