لاہور: (دنیا نیوز) پاکستان تحریک انصاف کی رہنما مسرت جمشید چیمہ نے کہا ہے کہ ملکی مسائل کا واحد حل صرف الیکشن ہیں، قوم اس کرپٹ ٹولے کو مزید موقع نہیں دے گی۔
سماجی رابطے کی ویب سائٹ ٹویٹر پر جاری پیغام میں مسرت جمشید چیمہ نے لکھا کہ پاکستان نے اگلے 2 سال میں 73 ارب ڈالر کی ادائیگیاں کرنی ہیں اور اس وقت ہمارے پاس صرف 4 ارب ڈالر موجود ہیں، ہمارا پیداواری سیکٹر مسلسل تباہ ہو رہا ہے اور بیرونی سرمایہ کاری بھی آدھی رہ گئی ہے۔
فوری الیکشن واحد حل ہیں اور عوام اس ٹولے کو مزید موقع نہیں دے گی
— Musarrat Cheema (@MusarratCheema) January 17, 2023
رہنما پی ٹی آئی کا مزید کہنا تھا کہ اس صورتحال میں بھی کرپٹ ٹولہ اپنی کرپشن معاف کروانے اور ہمنواؤں کو نوازنے میں مصروف ہے، فوری الیکشن واحد حل ہیں اور عوام اس ٹولے کو مزید موقع نہیں دے گی۔
