لاہور: (دنیا نیوز) چیئرمین پاکستان تحریک انصاف عمران خان کی جانب سے سپریم کورٹ بار ایسوسی ایشن کے سابق صدر لطیف آفریدی کے قتل پر اظہار افسوس کیا گیا۔
سابق وزیر اعظم نے کہا کہ سینئر وکیل اور معروف قانون دان لطیف آفریدی کے پشاور ہائیکورٹ کے بار روم میں قتل کے بارے جان کر نہایت افسردہ اور غمگین ہوں، میری دعائیں اور دلی ہمدردیاں ان کے اہلِ خانہ کے ساتھ ہیں۔
یہ بھی پڑھیں: قانون دان لطیف آفریدی فائرنگ سے جاں بحق، پختونخوا بار کا 3 روزہ سوگ کا اعلان
واضح رہے کہ آج صبح ہی معروف قانون دان لطیف آفریدی کو پشاور ہائی کورٹ کے بار روم میں موجودگی کے دوران نامعلوم افراد کی جانب سے فائرنگ کر کے قتل کر دیا گیا تھا۔
