لاہور: (دنیا نیوز) سابق صدر آصف علی زرداری نے موجودہ ملکی سیاسی صورتحال بارے مشاورت کے لیے پیپلز پارٹی پنجاب کی پارلیمانی پارٹی کو بلاول ہاؤس لاہور طلب کر لیا۔
ذرائع کے مطابق پارلیمانی لیڈر سید حسن مرتضیٰ ملاقات کے لیے بلاول ہاؤس لاہور پہنچ گئے، ارکان پنجاب اسمبلی علی حیدر گیلانی، مخدوم عثمان سمیت دیگر ایم پی ایز بھی سابق صدر آصف علی زرداری کی ہدایت پر بلاول ہاؤس لاہور پہنچ چکے ہیں۔
بتایا گیا ہے کہ ملاقات میں پنجاب اسمبلی کے تحلیل ہونے کے بعد پنجاب کی سیاسی صورتحال کے بارے مشاورت کی جائے گی۔
