اسلام آباد: (دنیا نیوز) وزیراطلاعات مریم اورنگزیب کا کہنا ہے کہ لاہور میں پولیس اہلکار کمال احمد پر فائرنگ کرکے سُرخ لکیر پار کی گئی ہے۔
مریم اورنگزیب کا مزید کہنا ہے کہ پاکستان کی معیشت اور عوام کو بچانے کے لئے ’ریڈلائن‘ لگانے کا وقت آ گیا ہے۔ معیشت کی بحالی اور عوام کے ریلیف کے راستے میں ’سرخ لکیر‘ کھینچ دی ہے، کسی کو عبور کرنے کی اجازت نہیں دیں گے۔
انہوں نے کہا کہ پاکستان کو تباہ کر کے جانے والوں کو مزید تباہی پھیلانے کی اجازت نہیں دی جا سکتی، معیشت جب بھی ’ٹیک آف‘ کرنے لگتی ہے، عمران خان کی شرپسندی اس کے راستے کی رکاوٹ بنتی ہے۔
