کیچ:(دنیا نیوز) بلوچستان کے ضلع کیچ میں کار اور موٹر سائکل میں تصادم سے حادثے سے 7 افراد جاں بحق اور 3 زخمی ہوگئے۔
ڈپٹی کمشنر کیچ حسین جان کے مطابق حادثہ کیچ کے علاقے سامی میں پیش آیا، تیز رفتار کار سامنے سے آنیوالے موٹر سائکل سے ٹکرا گئی، حادثے کے بعد کار بے قابو ہو کر الٹ گئی جسکے نتیجے میں 7 افراد جاں بحق اور تین زخمی ہوئے۔
حسین جان کے مطابق حادثے کے بعد جاں بحق افراد کی لاشیں اور زخمیوں کو قریبی ہسپتال منتقل کیا گیا، زخمیوں میں ایک کی حالت تشویشناک بتائی جا رہی ہے۔
