کراچی: (دنیا نیوز) بلاول بھٹو نے ملک بھر میں کم عمری کی شادی پر پابندی کا مطالبہ کر دیا۔
چیئرمین پاکستان پیپلزپارٹی بلاول بھٹو نے سماجی رابطے کی ویب سائٹ پر ٹویٹ کرتے ہوئے کہا دبئی، ترکی اور انڈونیشیا میں شادی کی کم سے کم عمر 18 برس ہے، کیا دبئی، ترکی اور انڈونیشیا مسلم ممالک نہیں ہیں ؟ سندھ میں شادی کی کم سے کم عمر 18 برس کا قانون موجود ہے۔
UAE marriage age is 18, Indonesia is 18 & Turkey is also 18. Are they not Muslim countries? In Sindh where marriage age is 18, we saw how law stopped an adult marrying a 10 year old! Every 20 minutes a girl dies in Pakistan as a result of underage pregnancy. #EndChildMarriage
— BilawalBhuttoZardari (@BBhuttoZardari) May 4, 2019
یاد رہے کچھ روز قبل سینیٹ میں کم عمری کی شادی پر پابندی کا بل کثرت رائے سے منظور ہوا، کم عمر بچے کی شادی کرانے والے کو 2 لاکھ روپے جرمانہ اور 3 سال سزا ہوگی۔ سینیٹر شیری رحمان نے کم عمری کی شادی پر پابندی کا بل پیش کیا۔ جماعت اسلامی اور جمعیت علمائے اسلام (ف) کے سینیٹرز نے ڈائس کے پاس آ کر احتجاج اور ایوان سے واک آؤٹ کیا۔
