کراچی: (دنیا نیوز) پاکستان تحریکِ انصاف کے رہنما عامر لیاقت حسین نے ٹکٹ نہ ملنے پر پارٹی کیخلاف سوشل میڈٰیا پر نیا محاذ کھول دیا ہے۔ کہتے ہیں کہ عمران خان فوری نوٹس لیں ورنہ پنڈورا باکس کھل جائے گا۔
پی ٹی آئی رہنما عامر لیاقت حسین نے ٹکٹ نہ ملنے پر پارٹی قیادت سے سخت ناراضگی کا اظہار کیا ہے۔ سماجی رابطوں کی ویب سائٹ ٹویٹر پر جاری اپنے حالیہ بیان میں ان کا کہنا ہے کہ میں تحریکِ انصاف کو اپنا گھر سمجھ کر آیا تھا لیکن فردوس شمیم نقوی صاحب نے مجھے میرے ہی گھر سے ٹکٹ دینے سے انکار کر دیا اور کچھ ایسی باتیں کیں جو میں عمران خان کی عزت کو سامنے رکھتے ہوئے لکھنا مناسب نہیں سمجھتا۔ انہوں نے لکھا کہ میں کل تک اپنا سیاسی فیصلہ قوم کے سامنے رکھوں گا۔
میں تحریک انصاف کو اپنا گھر سمجھ کر آیا تھا لیکن جناب فردوس شمیم نقوی صاحب نے مجھے میرے ہی گھر سے ٹکٹ دینے سے انکار کردیا اور کچھ ایسی باتیں کیں جو میں @ImranKhanPTI کی عزت کوسامنے رکھتے ہوئے لکھنا مناسب نہیں سمجھتا ۔۔۔۔ بہرحال میں کل تک اپنا سیاسی فیصلہ قوم کے سامنے رکھ دوں گا
— Aamir Liaquat Husain (@AamirLiaquat) June 3, 2018
گالیاں دینے والے انصافینز کو بتانا چاہتا ہوں اپنی حدود میں رہیں ، معاملہ صرف ٹکٹ کا نہیں میرے شہر کراچی کی سیاسی سوجھ بوجھ کا ہے، مجھے ٹکٹ کی کوئی خواہش نہیں ، چیئرمین کا استدلال تھا کہ میں انتخاب لڑوں اسی لیے میں نے حوالہ دیا لیکن فردوس نقوی نے جو کچھ کہا مجھے اس سے اختلاف ہے
— Aamir Liaquat Husain (@AamirLiaquat) June 3, 2018
میں شرافت کا مظاہرہ کرتے ہوئے کسی پر کوئی الزام یا بے ہودہ گوئی نہیں کررہا لیکن شریف النفسی کو کمزوری نہ سمجھا جائے ۔۔۔ @PTIofficial نوٹس لیں ورنہ پنڈورا باکس کھل جائے گا ہروقت گالیاں ناقابل برداشت ہیں @ImranKhanPTI
— Aamir Liaquat Husain (@AamirLiaquat) June 3, 2018
