ممبئی: (ویب ڈیسک) بالی ووڈ کے اداکار علی فضل اور اداکارہ ریچا چڈھا کی شادی کا منفرد دعوت نامہ سوشل میڈیا پر وائرل ہو گیا۔
میڈیا پر سامنے والے شادی کا کارڈ ماچس کی ڈبیا کی شکل کا ہے جس پر ایک لڑکے اورلڑکی کی تصویر ہے جو سائیکل پر بیٹھے ہوئے ہیں اور اس پر "کپل میچز" لکھا ہوا ہے، سرخ رنگ کے دلہن کے لباس میں جو لڑکی سائیکل پر بیٹھی ہے وہ ریچا چڈھا اور لڑکا علی فضل ہیں۔
کارڈ کے ڈیزائنر کے مطابق کیونکہ علی فضل اور ریچا چڈھا 80 کی دہائی کے ہیں اس لئے کارڈ کا تھیم پرانے زمانے کا رکھا گیا ہے اور اسے بھارتی فل کے پوسٹر جیسا بھی بنایا گیا ہے۔
.jpg)
میڈیا رپورٹس کے مطابق علی فضل اور ریچا چڈھا اکتوبر کے پہلے ہفتے میں شادی کررہے ہیں جس کی مرکزی تقریب ممبئی میں ہوگی جبکہ ممبئی اور دہلی میں استقبالیہ کی تقاریب ہوں گی، اس سے قبل علی فضل اور ریچا چڈھا نے اپنی شادی کورونا وائرس کی وجہ سے ملتوی کردی تھی۔
