لاہور: (ویب ڈیسک) پاکستان کے معروف سوشل میڈیا سٹار وقار ذکا نے ملک کا مجموعی قرض اتارنے کے بدلے صرف وزیر اعظم عمران خان کے استعفیٰ کا مطالبہ کیا ہے۔
سوشل میڈیا سٹار وقار ذکا نے سماجی رابطے کی ویب سائٹ ٹویٹر پر دعویٰ کیا کہ وہ کرپٹو کرنسی کے ذریعے ملک کا مجموعی قرضہ اتارنے کو تیار ہیں مگر اس کے لیے ان کی ایک ہی شرط ہے کہ وزیر اعظم عمران خان اپنے عہدے سے استعفیٰ دیں۔
I can pay off PAK debt using crypto but the condition is @ImranKhanPTI should step down and let me run the country if not then Pakistanis should demand what solution respectable , olive plantation, tourism , anti corruption lovers IK has. I challenge all Politican koi idea hai
— Waqar Zaka (@ZakaWaqar) May 4, 2021
سوشل میڈیا سٹار نے ساتھ ہی لکھا کہ ملک کا تمام قرضہ اتارنے کے لیے انہیں ملک چلانے کا اختیار دیا جائے۔ اگر ایسا نہیں کیا جا سکتا تو پاکستانی عوام حکومت اور وزیر اعظم سے مطالبہ کریں کہ قرض اتارنے کا کوئی منصوبہ سامنے لائیں۔
وقار ذکا نے ٹویٹر پر اس بات ذکر نہیں کیا کہ ملک کے اوپر کتنا مجموعی قرض ہے اور نہ ہی انہوں نے یہ بتایا کہ ان کے پاس کتنے اربوں روپے کی مالیت کی کرپٹو کرنسی موجود ہے اور ان کے پاس کرنسی کہاں سے آئی؟
