لاہور: (ویب ڈیسک) معروف اداکار و گلوکار علی ظفر نے کورونا وباء کے باعث مالی مشکلات کا شکار فنکاروں اور ٹیکنیشنز کی مدد کی اپیل کر دی۔
سماجی رابطے کی ویب سائٹ ٹوئٹر پر ویڈیو پیغام جاری کرتے ہوئے علی ظفر نے مداحوں سے اپیل کی کہ کورونا کے باعث فنکار، موسیقار اور ٹیکنیشنز مالی مشکلات کا شکار ہیں۔
My message and request to you to help us help more of our deserving Artists. They need our help and attention more than ever. You can now donate through PayPal by clicking here. https://t.co/DJXZzmZj0U @AliZFoundation #AZF pic.twitter.com/haWJF7WmaQ
— Ali Zafar (@AliZafarsays) July 22, 2020
انہوں نے کہا کہ فنکاروں پر اس وقت سنیما اور دیگر جگہوں کے بند ہونے کی وجہ سے مشکل حالات ہیں، ہمارا ایسے موقع پر فرض بنتا ہے کہ ہم ان کیلئے کچھ کریں۔ علی ظفر فاؤنڈیشن نے اب تک 700 خاندانوں کی مدد کی ہے اور مزید بھی جاری ہے۔
گلوکار نے سوشل میڈیا صارفین سے مدد کی اپیل کرتے ہوئے کہا کہ اس نیک کام کیلئے آپ بھی آگے آئیں اور ہمارا ساتھ دیں۔
Please help Ali Zafar Foundation. They are raising funds for artists who are not able to earn a livelihood because of Covid as there are no events & performances. Donate with an open heart. https://t.co/vT879QjtUg
— Shoaib Akhtar (@shoaib100mph) July 22, 2020
علی ظفر نے بتایا کہ مالی مشکلات کا شکار تھیٹر اور ایسے ہی دوسرے مقامات سے تعلق رکھنے والوں کو راشن سمیت کیش بھی فراہم کیا جارہا ہے۔
ان کا مزید کہنا تھا کہ اس وقت مشکل حالات کا شکار ہماری زندگیوں میں رنگ بھرتے آئے ہیں اب ہماری باری ہے کہ ہم ان کیلئے کچھ کریں۔
علی ظفر کے اس اقدام کو شعیب اختر نے بھی خوب سراہا، گلوکار کی ویڈیو شیئر کرتے ہوئے مداحوں سے اپیل کی کہ وہ علی ظفر فاؤنڈیشن کیلئے دل کھول کر عطیہ کریں۔
