کراچی: معمر خاتون کی ہاتھ پاؤں بندھی تشدد زدہ لاش برآمد

Published On 23 April,2025 03:04 am

کراچی: (ویب ڈیسک) کراچی میں معمر خاتون کی ہاتھ پاؤں باندھی تشدد زدہ لاش برآمد ہوئی ہے۔

عیسیٰ نگری میں بارہ دری اپارٹمنٹ سے بزرگ خاتون کی لاش ملی جسے امدادی ٹیموں کے رضا کاروں نے ضابطے کی کارروائی کے لئے ہسپتال منتقل کر دیا۔

پولیس حکام کا کہنا ہے کہ خاتون کی شناخت 62 سالہ افشاں دختر صالحین کے نام سے کی گئی جس کے ہاتھ بندھے ہوئے تھے جبکہ لاش 3 سے 4 دن پرانی بتائی جاتی ہے۔

مقتولہ غیر شادی شدہ اور فلیٹ میں اکیلی ہی رہتی تھی جبکہ فوری طور پر وجہ موت کا تعین نہیں ہوسکا، تاہم پولیس کے مطابق پوسٹ مارٹم رپورٹ آنے کے بعد ہی وجہ ہلاکت کا پتہ چل سکے گا۔