پاکپتن سے اغوا کیا گیا 5 ماہ کا بچہ بازیاب، خاتون گرفتار

رحیم یار خان: (دنیانیوز) پنجاب کے ضلع پاکپتن سے اغوا کیا گیا 5 ماہ کا بچہ بازیاب ، اغوا کار خاتون کو گرفتار کرلیاگیا۔

پولیس حکام کے مطابق خاتون نے پاکپتن دربار پر ماں سے بچے کو بہلانے کے بہانے لیا اور فرار ہو گئی، خاتون بچے کو اغوا کرکے مسافر بس سے کراچی جارہی تھی، اقبال آباد کے قریب مسافر بس سے بچہ بازیاب کرکے خاتون کو گرفتار کر لیا۔

پولیس حکام نے مغوی بچے کو والدہ کے حوالے کر دیا جبکہ مزید تفتیش جاری ہے ۔