پرتھ: (ویب ڈیسک) آسٹریلیا اور بھارت کی کرکٹ ٹیموں کے درمیان بارڈر گواسکر ٹرافی سیریز کا پہلا ٹیسٹ میچ آج پرتھ میں کھیلا جائے گا۔
بھارتی ٹیم کی قیادت مایہ ناز بلے باز روہت شرما کی غیر موجودگی میں مایہ ناز فاسٹ باؤلر جسپریت بمراہ کریں گے جبکہ میزبان آسٹریلوی ٹیم کو مایہ ناز آل راؤنڈر پیٹ کمنز لیڈ کریں گے، پہلے ٹیسٹ میچ کے بعد پرائم منسٹر الیون اور بھارتی ٹیم کے درمیان دو روزہ وارم اپ میچ آسٹریلوی دارالحکومت کینبرا میں کھیلا جائے گا۔
دونوں ٹیموں کے درمیان دوسرا ٹیسٹ میچ 6 سے 10 دسمبر تک ایڈیلیڈ اوول، تیسرا 14 سے 18 دسمبر تک دی گابا برسبین، چوتھا 26 سے 30 دسمبر تک میلبرن کرکٹ گراؤنڈ جبکہ پانچواں اور آخری ٹیسٹ میچ 3 سے 7 جنوری 2025ء سڈنی کرکٹ گراؤنڈ میں کھیلا جائے گا۔
